Gweithdy’r Gallu i Olrhain

Sylwch — dim ond cynhyrchwyr bwyd a diod newydd a phresennol sydd wedi’u lleoli yng Nghymru a allant gofrestru ar gyfer y digwyddiad hwn, nid ydyw ar gyfer sefydliadau cysylltiedig, ymgynghorwyr neu fyfyrwyr.

Pwy all fynychu

Mae’r cwrs hwn wedi’i anelu at fusnesau sydd am sefydlu systemau olrhain neu, i roi cipolwg i staff sy’n ymwneud â chwblhau gwaith papur proses ar olrhain, ei bwysigrwydd a’i gymhwysiad ymarferol. Bydd y gweithdy yn cynnwys gweithgareddau i ddangos ymarferion olrhain ymlaen ac yn ôl.

Gweithdy’r gallu i Olrhain

Mae’r gallu i olrhain yn ofyniad cyfreithiol i bob busnes bwyd ac yn gam pwysig wrth baratoi os bydd cynnyrch yn cael ei alw’n ôl.

Mae’r gweithdy hwn yn rhoi cipolwg ar ofynion system olrhain gynhwysfawr i olrhain deunyddiau crai hyd at gynhyrchion gorffenedig a chynhyrchion gorffenedig yn ôl i ddeunyddiau crai.

Cynnwys y Cwrs

Mae’r gweithdy’n cwmpasu’r canlynol:

• Yr angen am olrhainadwyedd a chanlyniadau gwneud camgymeriad
• Y gofynion cyfreithiol ar gyfer olrhainadwyedd
• Cymhwysiad ymarferol olrhain ymlaen ac yn ôl gan gynnwys cydbwysedd màs
• Ystyriaethau ychwanegol wrth sefydlu olrhainadwyedd

Costau presenoldeb

Yn dibynnu ar faint eich cwmni a’ch cymhwysedd, gall presenoldeb yn y gweithdai hyn gael ei ariannu’n rhannol neu’n llawn.

Bydd y gost ar gyfer pob cynrychiolydd sy’n mynychu’r gweithdy yn amrywio yn dibynnu ar faint y cwmni maent yn gweithio iddo. Mae hyn yn cael ei bennu gan reoliadau cyllido Llywodraeth Cymru.

Yn y ffurflen gofrestru ar gyfer y gweithdy, gofynnir i chi ddarparu gwybodaeth am Reoli Cymorthdaliadau y cwmni ar gyfer y tair blynedd diwethaf a chadarnhau maint eich cwmni. Cyfeiriwch at eich tîm busnes cyllid i sicrhau bod y wybodaeth hon yn gywir gan y gallai fod yn destun archwiliad.

I ddarllen mwy am Reoli Cymorthdaliadau, cliciwch yma.

Cofrestrwch nawr

Unrhyw ymholiadau am y digwyddiad hwn, e-bostiwch zero2five@cardiffmet.ac.uk.