Gweithdy Datblygu Cynhyrchion Newydd: Adeiladu Briff

Sylwch — dim ond cynhyrchwyr bwyd a diod newydd a phresennol sydd wedi’u lleoli yng Nghymru a allant gofrestru ar gyfer y digwyddiad hwn, nid ydyw ar gyfer sefydliadau cysylltiedig, ymgynghorwyr neu fyfyrwyr.

Pwy all fynychu

Mae ein cyfres o weithdai Datblygu Cynnyrch Newydd yn cyflwyno sesiynau rhagarweiniol sydd wedi’u targedu at fusnesau cyfnod cynnar a busnesau newydd.

1. Datblygu Cynhyrchion Newydd – Adeiladu Briff

Er mwyn datblygu a lansio cynhyrchion newydd llwyddiannus, mae angen ichi ddechrau gyda briff datblygu cynhyrchion newydd cynhwysfawr.

Yn y gweithdy hwn byddwn yn edrych ar gamau cychwynnol datblygu cynhyrchion newydd, Cwmpasu a Llunio Syniadau, ac yn ystyried y canlynol:

• Pwysigrwydd dull strategol o ddatblygu cynhyrchion newydd

• Pwy yw fy nghwsmer targed?

• Deall y farchnad

• Manteisio ar y tueddiadau diweddaraf

• Dadansoddi eich cystadleuwyr

• Cynhyrchu syniadau am gynnyrch

• Hyfywedd masnachol

• Profi eich cysyniadau

• Ysgrifennu briff Datblygu Cynhyrchion Newydd

Mae’r gweithdy hwn yn ddelfrydol ar gyfer cwmnïau sydd â syniad am gynnyrch y maent am ei ddatblygu ymhellach neu’r rhai sydd am greu syniadau ar gyfer cynhyrchion newydd.

Cynhelir y gweithdai rhyngweithiol hyn yng Nghanolfan Diwydiant Bwyd ZERO2FIVE yng Nghaerdydd.

Er bod y gweithdai hyn yn rhan o gyfres, gallwch fynychu gweithdai unigol i weddu i’ch anghenion busnes.

Costau presenoldeb

Yn dibynnu ar faint eich cwmni a’ch cymhwysedd, gall presenoldeb yn y gweithdai hyn gael ei ariannu’n rhannol neu’n llawn.

Bydd y gost ar gyfer pob cynrychiolydd sy’n mynychu’r gweithdy yn amrywio yn dibynnu ar faint y cwmni maent yn gweithio iddo. Mae hyn yn cael ei bennu gan reoliadau cyllido Llywodraeth Cymru.

Yn y ffurflen gofrestru ar gyfer y gweithdy, gofynnir i chi ddarparu gwybodaeth am Reoli Cymorthdaliadau y cwmni ar gyfer y tair blynedd diwethaf a chadarnhau maint eich cwmni. Cyfeiriwch at eich tîm busnes cyllid i sicrhau bod y wybodaeth hon yn gywir gan y gallai fod yn destun archwiliad.

I ddarllen mwy am Reoli Cymorthdaliadau, cliciwch yma.

Cofrestrwch nawr

Os hoffech drafod hyfforddiant mwy manwl neu bwrpasol ar gyfer eich busnes, cysylltwch â ni drwy zero2five@cardiffmet.ac.uk am ragor o wybodaeth.