Stori llwyddiant: Talgarth Bakery
Cefndir
Ers dros 100 mlynedd, mae Talgarth Bakery o Faesteg wedi bod yn cynhyrchu cacennau, bara, peis a theisennau ffres i bobl De Cymru. Mae’r cwmni’n cyflenwi pob sector, gan gynnwys siopau, bwytai ac archfarchnadoedd.
Mae ZERO2FIVE wedi bod yn darparu cefnogaeth dechnegol i Talgarth Bakery ers nifer o flynyddoedd ac yn 2022 fe wnaethant recriwtio cyswllt technegol drwy’r Rhaglen Trosglwyddo Gwybodaeth Prosiect HELIX, i’w helpu i ymgorffori systemau rheoli diogelwch bwyd mwy cadarn yn y gweithrediad.
Mae Rhaglen Trosglwyddo Gwybodaeth Prosiect HELIX yn cyflogi ymlyniad technegol a ariennir yn rhannol ac yn eu hintegreiddio’n llawn o fewn cynhyrchwyr bwyd a diod Cymru am o leiaf blwyddyn gyda chefnogaeth lawn gan y tîm ZERO2FIVE. Mae’r rhaglen yn helpu cwmnïau i dyfu eu gallu technegol neu fasnachol tra hefyd yn cynnig hyfforddiant a mentora i’r cysylltiedig.
Cymorth gan ZERO2FIVE
Yn haf 2023, penderfynodd Talgarth Bakery, y byddai angen iddynt weithio tuag at sicrhau ardystiad diogelwch bwys SALSA, ar gyfer eu hunedau cynhyrchu becws a sawrus, er mwyn tyfu eu busnes. Mae safon SALSA yn bwysig i lawer o weithgynhyrchwyr gan ei fod yn dangos eu bod yn gweithredu i safonau diogelwch bwyd a gydnabyddir gan y diwydiant ac mae’n eu galluogi i gyflenwi eu cynnyrch i fanwerthwyr cenedlaethol a rhanbarthol.
Gan weithio ar y cyd â’r tîm cyswllt a chynhyrchu, cynhaliodd yr arbenigwyr technegol yn ZERO2FIVE adolygiad o bolisïau a gweithdrefnau presennol Talgarth Bakery yn erbyn gofynion Rhifyn 6 newydd safon SALSA. Roedd hyn yn rhoi dadansoddiad bwlch i’r tîm rheoli safle a darlun clir o lefel cydymffurfio gweithrediadau â gofynion SALSA, a ddatblygwyd gan y tîm yn gynllun gweithredu ar y safle.
Yn wythnosol, mae ZERO2FIVE wedi mentora’r cyswllt technegol i ddatblygu eu gwybodaeth, eu sgiliau a’u dealltwriaeth, gan roi camau ymarferol pwrpasol, seiliedig ar waith i’w cyflawni yn erbyn gofynion safon SALSA a chynllun gweithredu’r safle. Ymhlith y pynciau a’r camau a drafodwyd roedd monitro amgylcheddol, cynllunio swab listeria, graddnodi offer, rheoli alergenau, olrhain, diogelwch safle, a dosbarthu cynnyrch. Roedd y cyswllt yn gallu cysylltu â’r tîm ar ZERO2FIVE ar unrhyw adeg i gael help a chefnogaeth wrth weithredu’r cynllun gweithredu.
Manteision y cymorth
Cafodd unedau cynhyrchu becws a sawrus Talgarth Bakery eu harchwilio ym mis Ebrill 2024 a llwyddodd y cwmni i sicrhau ardystiad SALSA. Drwy ennill ardystiad SALSA, bydd Talgarth Bakery yn gallu cael mynediad i farchnadoedd newydd.
Roedd cyswllt technolegol Talgarth Bakery wedi gweithio ym maes gwasanaeth cwsmeriaid o’r blaen ac o ganlyniad i gymryd rhan yn Rhaglen Trosglwyddo Gwybodaeth Prosiect HELIX, maent wedi gallu creu gyrfa newydd ym maes diogelwch bwys, maes lle mae prinder sgiliau yng Nghymru. Mae’r cyswllt yn parhau i fod gyda Talgarth Bakery a bydd yn parhau i helpu’r cwmni i gynnal eu hardystiad diogelwch bwyd SALSA wrth ddatblygu ymhellach eu sgiliau a’u gwybodaeth am reoli diogelwch bwyd a chydymffurfiaeth.
Howard Hughes, Rheolwr Gyfarwyddwr, Talgarth Baker: “Mae cymorth a chyfranogiad ZERO2FIVE a’u gwybodaeth ac hyfforddiant o’n gweithwyr a’n cyswllt wedi bod yn amhrisiadwy i’r busnes. Mae eu cefnogaeth wedi ein helpu i sicrhau ardystiad SALSA, gan sicrhau ein hymrwymiad i gynhyrchu bwyd diogel a sicrhau twf.”
Cysylltwch â ni i gael gwybod mwy am gymorth a ariennir gan Brosiect HELIX.
Cysylltwch â ni
Os hoffech gael gwybod mwy am sut y gallwn helpu eich busnes neu os oes gennych unrhyw gwestiynau am y cymorth y gallwn ei gynnig, yna cysylltwch â ni.
