Cofrestru eich Diddordeb – Gweithdy Arferion Gweithgynhyrchu Da (GMP)

Sylwch — dim ond cynhyrchwyr bwyd a diod newydd a phresennol sydd wedi’u lleoli yng Nghymru a allant gofrestru ar gyfer y digwyddiad hwn, nid ydyw ar gyfer sefydliadau cysylltiedig, ymgynghorwyr neu fyfyrwyr.

Pwy all fynychu:

• Yn ddelfrydol ar gyfer busnesau bach a chanolig  
• Addas ar gyfer Sicrwydd Ansawdd, goruchwylwyr, cynhyrchu, peirianneg mewn swyddogaethau gweithgynhyrchu bwyd
• Aelodau o staff sy’n ymwneud â chwblhau archwiliadau Arferion Gweithgynhyrchu Da mewn amgylchedd ffatri 

Gweithdy Arferion Gweithgynhyrchu Da

Mae Gweithdy Arferion Gweithgynhyrchu Da yn ddull strwythuredig o reoli 4 prif faes:

• Pobl
• Cynnyrch
• Proses
• Adeiladau

Pan gaiff Arferion Gweithgynhyrchu Da ei reoli’n dda, gall sbarduno gwelliant parhaus, ymddygiadau da a diwylliant mewn Gwneuthurwyr Bwyd a Diod.  Bydd dysgwyr yn deall sut i gofnodi a dogfennu canlyniadau Arferion Gweithgynhyrchu Da.

Bydd y sesiwn hon yn canolbwyntio ar beth a phwy sy’n ymwneud â chynnal Arferion Gweithgynhyrchu Da a bydd dysgwyr yn deall y camau syml y gall gweithgynhyrchwyr eu cymryd i sicrhau bod Arferion Gweithgynhyrchu Da yn cael ei reoli’n effeithlon ym mhob maes a grymuso staff i ddiffinio sut olwg sydd ar rywbeth ‘da’.

Agenda

Beth yw Arfer Gweithgynhyrchu Da? – gan gynnwys diffiniadau allweddol

• Manteision Arferion Gweithgynhyrchu Da
• 4 prif gategori – Pobl, Proses, Cynnyrch ac Adeiladau (y 4P).
• Cysylltiadau rhwng rhagofynion Dadansoddi Peryglon a Phwynt Rheoli Critigol,
• Sut i fesur a monitro Arferion Gweithgynhyrchu Da
• Cyfathrebu â’r tîm i wella safonau’r safle.
• Awgrymiadau ar gyfer Arferion Gweithgynhyrchu Da – byddwn yn archwilio camgymeriadau cyffredin y mae safleoedd yn eu gwneud wrth reoli Arferion Gweithgynhyrchu Da a sut mae ymddygiad a diwylliant yn gwella safonau Arferion Gweithgynhyrchu Da.

Cynhelir y gweithdai rhyngweithiol hyn yn eich safle gweithgynhyrchu i gynnwys y tîm ehangach a defnyddio sefyllfaoedd byw.

Costau presenoldeb

Yn dibynnu ar faint eich cwmni a’ch cymhwysedd, gellir ariannu mynychu’r gweithdai hyn yn rhannol neu’n llawn.

Bydd y gost i bob cynrychiolydd sy’n mynychu’r gweithdy yn amrywio yn dibynnu ar faint y cwmni y maent yn gweithio iddo. Mae hyn yn cael ei bennu gan reoliadau ariannu Llywodraeth Cymru.

Yn y ffurflen gofrestru ar gyfer y gweithdy, gofynnir i chi ddarparu gwybodaeth am Reoli Cymorthdaliadau y cwmni ar gyfer y tair blynedd diwethaf a chadarnhau maint eich cwmni. Cyfeiriwch at eich tîm busnes cyllid i sicrhau bod y wybodaeth hon yn gywir gan y gallai fod yn destun archwiliad.

Cofrestru eich Diddordeb

Os hoffech drafod hyfforddiant mwy manwl neu bwrpasol ar gyfer eich busnes, cysylltwch â ni drwy zero2five@cardiffmet.ac.uk am ragor o wybodaeth.